Beste proposamen metodologikoak

Amara Berri sareak edukiak modu dinamiko eta eramangarriago batean lantzea proposatzen du. Horregatik hainbat ariketa mota desberdin lantzen dira, batez ere talde lana bultzatzen dutenak eta ikasleen inplikazioa eskatzen dutenak.

Hala ere, eduki zehatzak transmititzeko edo azalpen konkretu batzuk emateko egokia izan arren baloreak transmititzeko ere tresna egokiak izan daitezke.

Horregatik nik eta nire taldekideok hurrengokoa proposatzen dugu. Bideo honetan Euskal Herri osoan zeharreko bederatzi ondare kultural lantzen dira baina baita hauen balioaren indartzea eta kontserbazioa bultzatzea transmititzen da.

Amara Berri sarea: ideia orokorra

Amara Berri sarea izen bereko eskolan sortu zen eta dokumentu honen bidez honen planteamendu eta egituraketaren ideia orokorra lantzen da.

Open publication - Free publishing - More amara

Eskola eredu desberdinak

Amara Berri sareak hezkuntza gaur egun ulertzen denaren beste era batera planteatzen du, berrikuntza bat suposatuz, eta orain hain desberdina iruditzen zaigun arren, besti egon dira hezkuntza eredu desberdinak.

Gaur eguneko hezkuntza, gu baino bi generazio aurretikoekin konparatuz, oso desberdina da, baita gure aurreko generazioarekin konparatuz ere; hezkuntza sistema uneoro baitago eboluzioan.

Hori aztertu ahal izateko nire bi amonekin batu eta galdeketa bat egin diet. Honen emaitzak ikusita orduango eta gau eguneko eskola desberdintzea oso erraza suertatzen da, baina interesgarriena orduango eskolen arteko desberdintasuna lantzea izan daiteke.

Encarna eta rosarioren eskola

View more presentations from joneoli

Amara Berri sarea: irakasleen adskripzio irizpideak

Ikastetxe osoaren beharren arabera egin eta aplikatutako oinarrizko adskripzio-irizpide iraunkorrak ditugu.  Horiei, ikasturtero, hala beharrez izanez gero behintzat, une bakoitzeko lehentasun eta behar zehatzei erantzuteko beharrezko direnak gehitzen zaizkie.

Irizpide iraunkorrak:

1.      1. Pertsona bakoitza ondo sentitzea; izan ere, hori da berarentzat, eta, gainera, ongi sentitzen bada, hobeto beteko du bere egitekoa eta errendimendu handiagoa aterako dio. Horretarako, bakoitzarekin hitz egin behar da, eta kontuan izan behar dira:

-          Bere nahiak honako alderdietan: irakasgai-mota, etapa, zikloa edo ikasleen adina, hizkuntza-eredua, zein arlo ikertu nahiko lukeen praktikan oinarrituta eta abar.

-          Bere prestakuntza ofizialak.

-          Bere trebetasuna, baita prestakuntza-aukerak eta curriculumarekin lotutako zaletasunak ere. Adibidez, mediatekan, eskolako prentsan, ikasle-antolamenduan edo arlo artistikoan esku-hartzea; hau da, berariazko prestakuntzarik ez dagoen jardunetan.

-          Bere egoera pertsonalak, bai iraunkorrak bai une zehatz horretakoak: osasun-arazoak, haurdunaldia, ebakuntza-kirurgiakoa. Irakasleen hobetze-ikastaroetara joatea, euskarako R  ikastaroak eta abar.

Amara Berri sarea: kritika

Sistema honek euskarri garrantzitsu modura hartzen du lanaren kritika egitea. Adin honetan jada (Lehen Hezkuntzan) ikasten dute taldeari zerbitzu bat ematen ari direla, horrek tratu-mota bat eskatzen duela eta baita ardurak hartzen eta exijitzen jakitea ere. Horrela, gelaren aurrean lanak aurkezten dituztenean entzuleengandik kritika positibo eta negatiboak espero dituzte, haiek ere entzuleriari kritika egingo diotelarik. Horrela, heziketa prozesuaren lehen momentutik ikasten dute, jarrera kritikoa izateaz  gain, iritzi desberdinak kontuan hartuz hobetu eta aurrera egin daitekeela.

BALORAZIOA
Argumentatua	Argumentuak lorpenei eta desberdintasunei, gabeziei, aukerei eta ikuspuntu desberdinei dagokienez.
Aurrera egiteko faktore lagungarria	Ez dira pertsonak kritikatzen, pertsonen ekintzak, egitateak, prozesuak, aurretikoak edo jarrerak baizik. Kritika hitzak ez du kutsu negatiborik.
Testuinguru eta egoera egonkorraren beharra	Egoera egonkorra den heinean, esku-hartzea sistematikoa da. Kritika gauzatuz ikasten da kritika egiten; eta kritika modu eraikitzailean jasotzen. Testuinguru batean ikasitakoa beste testuinguruetara zabaltzea ikasten da.
Inplikazio pertsonala	Bakoitzak bere ikuspuntutik egiten du. Gaitasunetik egiten da: prozesua, ekintza bera eta helburua ezagutzen delarik soilik egin daiteke kritika. Ikusten duguna eta sentitzen duguna bereizten ikasi behar da.
Elementu pizgarria da	Ikasleak, kritikan pentsatuz, hobetzeko ahalegina egiten du. Zerbait aurkezten duen bakoitzean, besteek iritzia ematen dute.
Helburuak	Jaso duena: bere mugak onartzea, bere gaitasunez jabetzea, bere burua barrutik ikusten eta besteen aurrean aurkezten ikastea. Egiten duena: bestearen lekuan jartzea eta desberdintasunak onartzen ikastea.
Kritikaren garapena	Kritika-testuinguruaren muinetik eta jardueraren muinetik habiatua. Eskuratutako lorpenetan eragiten du, prozesua baloratuz.

Amara Berri sarea: adin desberdinen nahastea

Amara Berri sarearen bereizgarri handia da, nahiz eta ikasle eskasiarik ez egon (arrazoi komunena) adin desberdinetako ikasleak nahasten direla lantaldeetan. Eta ziklo bakoitzaren programarekin honen azterketa egiten da.

-           

• Amara Berri Sistemaren ezaugarri metodologikoa da, eta hezkuntza-asmotik abiatzen da.

• Aniztasunaren esparrua zabaltzen duen elementua da hau ere, sexu, adin, kultura eta beste hainbatekin batera:

Aniztasunetik abiatuta sortzen den konparaketan jabetzen gara banakotasunaz.

Aniztasunaren esparrua zabaltze horrek bere lekua aurkitzen eta auto-kontzeptua egokitzen laguntzen dio gizabanakoari, beste pertsonekiko kontrastearen arabera.

Amara Berri sarea: jolasa

Jolasa testuinguruen oinarri eta muina da. Testuinguru sozialak, egonkorrak eta osagarriak bizi-jarduerak baitira, hau da, hezkuntza asmotik abiatzen diren jolasak.

•           Jolasa bizipenak gozatu, sentitu, barneratu eta kanporatzeko balio duen jarduera naturala da. Bakoitzaren barne-mundua eta afektu-mundua adieraztea garrantzitsua baita heldutasuna lortzeko.

•           Norberaren interes eta motibazioekin lotuta dago, baita adin bakoitzari dagozkion motibazioekin. Bizitzarekin dago lotuta eta kultura eta espezie guztiei zaie berezko.

•           Jolasa eragingarritzat eta helburutzat dute Amara Berri sarean:

         Eragingarrien eta helburuen pedagogia da: Irakasleek badakite ikasleei helduen mundua imitatzea gustatzen zaiela eta imitazio.jolasak diseinatzen dituzte horrela ikas dezaten. Testuinguru guztiek zertarako bat dute, eta hori da benetan eragingarria edta helburuzkoa dena.

Amara Berri sarea: ikasleei buruzko ikuskera

Ikuskera honek hezkuntza-ekintza honetako beste partaideak ere hartzen ditu barne, pertsona kontzeptua baita. Ikasleak lanaren ardatza dira eta edozein erabaki edo moldaketan ezin dira bistatik galdu. Aitzitik ikasleen garapena, aukera-berdintasunetik abiaturik, eta beraien ona bultzatu nahi da; irakasleen, familien, entitateen eta bestelako elementuen interesen gainetik.

Ikasle bakoitza horrela ulertzen da:

•           Izaki globala
•           Motibazio eta interes pertsonalak dituena
•           Kontzeptu eta emozio eskema zehatz bat duena
•         Potentzial bat duena

Izaki globala:

Ez da izaki isolatua ezta estatikoa ere, eta ez dago sistema moduan amaituta. Prozesuan dago eta prozesua bera dela esan daiteke. Osotasuna ez da zatien batura, zatiek elkarrekintzan osatzen dutena baizik. Ikasle bakoitzak bere prozesua bere erara bizi du.

Hau onartzeak elkarrekintzan dauden parteak antzematera garamatza, hauetariko bakoitzak besteengan eragiten duenez ikastetxearen ikuskeran hau garbi izatea berebizikoa da.

Arlo zehatz batzuetako antolakuntza

Badaude arlo zehatz batzuk beste antolakuntza eta egituraketa bat posible egiten dutenak. Hauek, normalean, musika, plastika eta soinketa arloak izaten dira.

Soinketako klasean, normalena eta ezagunena talde handian aritzea da. Hala ere, lantzen ari denaren arabera talde txikiagoetan bikoteka edo baita banaka aritzea ere suertatu daiteke. Egituraketa hau tradizionaletik edo beste arloetan ematen denetatik bereizten duena arlo honen dinamikotasunean oinarritzen da. Dauden mugimenduen barietate eta aldakortasuna dela eta, eta baita erabiltzen den espazio dena dela eta, ikasgela baten barruan arbela aurrean ematen den arloengandik argiki bereizia dago; naiz eta alde teorikoa ere landu daitekeen.

Gelako antolakuntza

Gelako antolakuntza moldatu aldatu eta berrantolatu beharko dugu etengabe momenturo ikasle taldeak dituen behar eta nahiak asetzeko, ahal dugun neurrian behintzat.  Horrela kontuan hartu beharko dugu beti ikasleen ezaugarriak zeintzuk diren.

Baliabideak egokiro kudeatzeko lehenengo eta behin ikasle taldearen ezaugarriak aztertu beharko ditugu:

•    Gizartea
•    Familiak
•    Maila soziala 
•    Maila ekonomikoa
•    Kokapen geografikoa 
•     …

Hau dena aztertuz gure ikasleek dituzten behar nagusi eta orokorrak ezagutuko ditugu; haien eta haien familien egoeraz zeintzuk diren jakinik gure programa zelan enfokatu eta adierazi pentsatuko dugu, baita klaseen planteamendua eta erabili ahalko ditugun dinamika desberdinak ere.

Baina taldearen ezaugarri orokorrez gain beste aspektu batzuk ere kontuan hartu beharko ditugu gelaren antolakuntza eta forma ematea planteatzen dugun orduan. Landuko dugun arloaren arabera dinamika edo taldekatze batzuk egingo dira eta beste batzuk ez.

curriculuma eta gaitasunak oinarrizko hezkuntzan

Edozein zentrotan ekintzen ardatz bezala eta erabakiak hartzerako orduan oinarri bezala curriculuma hartzen dugu. Honek hainbat elementu hartzen ditu bere barne, gaitasun desberdinak landuz.

Horrela haur hezkuntza eta lehen hezkuntza gaitasunen eta hauen lantzearen arabera banatzen ditu. Gainera, gaitasun guztiak sailkatzeaz gain hauek zelan landuz eta zein helbururekin azaltzen du.

Amara Berri sarea: ikasle asanblada

Eskola batzuek iradokizunak jasotzeko posta-kutxak jarri dituzte, noizean behin ideia bilketak proposatzen dituzte, edo kexak daudenean hauei aurre egiten diete; baina Amaraberri sareak ikasleengan harrera oso ona izan duen eta funtzionatzen duen metodoa martxan jarri du: IKASLE ASANBLADA

Honek tutoretzen denbora bat, edo beste zerbaiterako erabiltzen zen denbora bat erabiltzea proposatzen du, asteroko ekintza izango delako, baina ordutegi aldaketak konpentsatu egiten du.

kontuan hartzearen garrantzia

Eskolan berebizikoa dena eta guztiz bultzatu behar den aspektua ikasleen interesa eta parte hartzeko gogoa da. Honetarako saiatu behar gara lantzen ditugun gaiak ikasleei nolabaiteko erosotasuna eta kontrola ematen dietenak izatea, haien interesekoak, beraien buruak aske eta eroso ikustean lan gusturago lan egingo baitute.

Honetaz gain, ikasleak esfortza daitezen eta gogotsu aritu daitezen haien lanean interesa dugula erakutsi behar diegu. Ez dugula soilik lan bat bidaltzen eta hori egitea espero, baizik eta emaitza jasotzeko grina duguna adierazi behar diegu, haiek kontatu nahi digutena gustura egin dezaten.

Ekin diezaiogun bideari!

Tarte honetan hezkuntzarekin lotutako hainbat aspektu landuko ditugu, lehen hezkuntzari zuzenean loturikoak. Ea denon artean biharko egunean aplikatu aha izango dugun zeozer eraikitzen dugun.Interesgarria eta lagungarria izango delakoan.. ekin diezaiogun lanari!

Ikusi eta ikasi - Delirum tremens